Текст пісні "Не мелем"

Не мелем, не мелем, | (2)

Забрала мі вода млин.

Забрала мі штири кола,

Понесла їх доокола.

Не мелем, не мелем, | (2)

Забрала мі вода млин.

Спомни си, спомни си, | (2)

Моя мила, спомни си.

Спомни собі тоті часи,

Як ми з тобов гуси пасли,

Спомни си, спомни си, | (2)

Моя мила, спомни си.

Нич не мам, нич не мам, | (2)

Та лем тото ремесло.

Пущу кола доокола

Сяду собі коло стола.

Нич не мам, нич не мам, | (2)

Та лем тото ремесло.

Юж мелем, юж мелем, | (2)

Принесла мі вода млин.

Принесла мі штири кола,

Поставила доокола.

Юж мелем, юж мелем, | (2)

Принесла мі вода млин.